რუსულმა ავიაკომპანია Red Wings-მა საქართველოს მიმართულებით პირდაპირი ფრენების ბილეთების გაყიდვა დაიწყო.
პირველი რეისი მოსკოვიდან ქუთაისის მიმართულებით, სავარაუდოდ, 10 ივლისს შესრულდება, სოჭიდან თბილისის მიმართულებით - 11 ივლისს.
მოსკოვსა და ქუთაისს შორის ბილეთის მინიმალური ღირებულება დაახლოებით 17-18 ათასი რუბლია (190-210 დოლარი), სოჭსა და თბილისს შორის - დაახლოებით 7 ათასი რუბლი (80 დოლარი).
მანამდე მედიაში გავრცელდა ინფორმაცია, რომ Red Wings ვერ იწყებს ფრენებს საქართველოში რუსეთის ტრანსპორტის სამინისტროს გადაწყვეტილების არქონის გამო. ავიაკომპანიამ ფრენების დაწყების ნებართვა საქართველოდან ჯერ კიდევ მაისში მიიღო.
დახურვა