ეროვნული გამოცდების შემდეგ აბიტურიენტთა ნაშრომების გასწორებამდე პასუხების ფურცლები რამდენიმე დღით კარანტინში მოთავსდება.
როგორც გამოცდების ეროვნულ ცენტრში აცხადებენ, ნაშრომები კარანტინში 3 დღით იქნება.
„უსაფრთხოების ზომებიდან გამომდინარე, შესაძლებელია ფურცლიდანაც რაღაც ვირუსი გადავიდეს. გარკვეულ საფრთხეებთან არის დაკავშირებული. ესეც არის წესი, რომელიც გაგვიწიეს ჯანდაცვის სამინისტროში და შესაბამისად ამ რეკომენდაციას ვიცავთ“,- განუცხადეს ფორმულას ეროვნული გამოცდების პრესსამსახურში.
ერთიანი ეროვნული გამოცდები დღეიდან დაიწყო. აბიტურიენტებმა პირველი გამოცდა ქართულ ენასა და ლიტერატურაში ჩააბარეს.