ავსტრიის საგარეო საქმეთა სამინისტრო მოსკოვში ალექსეი ნავალნის დაკავების გამო შეშფოთებას გამოხატავს.
განცხადებაში უწყება რუსეთს ოპოზიციონერის გათავისუფლებისა და მასზე თავდასხმის საქმის გამოძიებისკენ მოუწოდებს.
"ღრმად შეშფოთებულები ვართ მოსკოვში ალექსეი ნავალნის დაკავებით. ძლიერი სამოქალაქო საზოგადოება და ოპოზიცია დემოკრატიული საზოგადოების ქვაკუთხედია. ავსტრია მოუწოდებს [რუსეთს] ნავალნის დაუყოვნებლივ გათავისუფლებისკენ, ასევე, სრულყოფილი და დამოუკიდებელი გამოძიებისკენ მასზე თავდასხმასთან დაკავშირებით", - ნათქვამია განცხადებაში.
გერმანიიდან რუსეთში ჩასული ნავალნი აეროპორტშივე დააკავეს. პოლიტიკოსთან ერთად იმყოფებოდა მისი ადვოკატიც, თუმცა სამართალდამცველებმა უფლებადამცველს არ მისცეს იმის უფლება, რომ ნავალნის გაყოლოდა.
დახურვა