აღსრულების ეროვნული ბიურო გაიხსნა. როგორც განცხადებაშია ნათქვამი, მოქალაქეებმა ვიზიტი წინასწარ უნდა დაჯავშნონ.
„სააღსრულებო სერვისებით სარგებლობა აღსრულების ეროვნულ ბიუროში ვიზიტით უკვე შესაძლებელია; აუცილებელია ვიზიტის წინასწარი დაჯავშნა მოქალაქეთა პორტალზე my.gov.ge.
დაჯავშნისთვის საჭიროა:
ეწვიოთ პორტალს https://www.my.gov.ge/ აირჩიოთ კატეგორია - იუსტიციის სახლში და ნოტარიუსთან ვიზიტის დაჯავშნა; შეავსოთ საკონტაქტო ინფორმაცია და ვიზიტის დასაგეგმად საჭირო ველები; ფილიალის ველში მიუთითეთ - სსიპ აღსრულების ეროვნული ბიურო; მომსახურების ტიპში მიუთითეთ აღსრულების ეროვნული ბიუროს სერვისებზე განცხადებების მიღება; ვიზიტის დაჯავშნის დასტურად მიიღებთ მოკლე ტექსტურ შეტყობინებას, რომელიც აუცილებლად უნდა შეინახოთ მომსახურების მიღებამდე;
მომსახურების მისაღებად უნდა გამოცხადდეთ ზუსტ დროს და წარადგინოთ მიღებული შეტყობინება; ვიზიტის ფარგლებში განცხადების წარდგენა დასაშვებია მხოლოდ ერთ სერვისზე; აღსრულების ეროვნულ ბიუროში მისულ პირს უნდა ეკეთოს პირბადე; ბიუროში არ დაიშვებიან ბავშვები და თანმხლები პირები; დამატებითი ინფორმაციისთვის დაგვიკავშირდით: (032) 2 749 649“, - ნათქვამია ბიუროს მიერ გავრცელებულ განცხადებაში.