საქართველოს თავდაცვის ყოფილმა მინისტრმა, ბაჩო ახალაიამ, სასამართლო პროცესზე მის წინააღმდეგ აღძრულ ახალ სისხლის სამართლის საქმესთან დაკავშირებით განცხადება გააკეთა. მოსამართლე რომეო ტყეშელაშვილის წინაშე სიტყვით გამოსვლისას ახალაიამ განაცხადა, რომ ხელისუფლების დამხობა ქვეყანაში არსებული ვითარებიდან გამოსვლის ერთადერთ გზად მიაჩნია და არ ფიქრობს, რომ საკუთარი მოსაზრების გამოხატვის გამო კრიმინალია. ყოფილმა მინისტრმა აღნიშნა, რომ დიქტატურის პირობებში დამხობის მოთხოვნა ადამიანის ბუნებრივი და ლეგიტიმური უფლებაა.
ახალაიას თქმით, შექმნილი მდგომარეობის არჩევნების გზით შეცვლა შეუძლებელია, რადგან ნებისმიერი ფორმით ძალაუფლების დაკარგვა ბიძინა ივანიშვილისთვის ციხეში წასვლას ნიშნავს, რაც თავად ივანიშვილმაც კარგად იცის.
სხდომის მიმდინარეობისას ახალაიამ მოსამართლეს მოუწოდა, რომ ვინაიდან უკვე მისჯილი აქვს 9-წლიანი პატიმრობა, მისთვის კიდევ 3 წლის დამატება არსებითად არაფერს ცვლის.
ბრალდება, რომელიც ახალაიას მიმართ საქართველოს სისხლის სამართლის კოდექსის 317-ე მუხლით არის აღძრული და 3 წლამდე თავისუფლების აღკვეთას ითვალისწინებს, კონსტიტუციური წყობილების ძალადობით შეცვლისა და სახელმწიფო ხელისუფლების დამხობისკენ მოწოდებას ეხება. საქმის აღძვრის საფუძველი გახდა ახალაიას მიერ სასამართლო პროცესზე გამოთქმული ფრაზა, რომლის მიხედვითაც, ბიძინა ივანიშვილი და მისი ხელისუფლება უნდა დაემხოს.
დახურვა