აშშ-ის სახელმწიფო მდივანი ენტონი ბლინკენი რუსეთის მიერ უკრაინაზე გუშინ, 23 ნოემბერს განხორციელებულ სარაკეტო თავდასხმებს ეხმაურება.
"უკრაინის მასშტაბით, მილიონობით ადამიანი თავშესაფრებში შეეფარა, როდესაც რუსეთმა კვლავ დაუშვა მათზე რაკეტები. ინფრასტრუქტურაზე უწყვეტი თავდასხმები მიმართულია მშვიდობიანი მოქალაქეების სიცივესა და სიბნელეში დატოვებისკენ. ეს საშინელი ტაქტიკა არ გატეხს უკრაინისა და მისი პარტნიორების სიმტკიცეს", - წერს ბლინკენი Twitter-ზე.
Millions across Ukraine took shelter as Russia again rained down missiles today. Continued attacks on infrastructure are designed to keep Ukraine’s civilians cold and in the dark. These appalling tactics won't break the resolve of Ukraine and its partners.
რუსეთმა 23 ნოემბერს უკრაინის რეგიონებზე, მათ შორის დედაქალაქ კიევზე სარაკეტო თავდასხმა განახორციელა, რის შედეგადაც საცხოვრებელი სექტორი და კრიტიკული ინფრასტრუქტურა დაზიანდა.
რუსეთის მასობრივი სარაკეტო იერიშის შედეგად ელექტროენერგია უკრაინის გარდა, მოლდოვაშიც გაითიშა.
დახურვა