ევროპული საქართველოს ლიდერი, გიგა ბოკერია აცხადებს, რომ ქართული ოცნების გადაწყვეტილება გავიდეს მიშელის შეთანხმებიდან, ადასტურებს, რომ მათ "უმძიმესი" მდგომარეობა აქვთ. ბოკერიამ აღნიშნა, რომ ახლა მნიშვნელოვანია "სახიფათო რეჟიმის" დამარცხება თვითმმართველობის არჩევნებზე.
"ეს მორიგი უტიფარი განცხადება ივანიშვილის რეჟიმის წარმადგენლების ადასტურებს პირველი იმას, რომ პანიკაში არიან და აცნობიერებენ, რომ უმძიმესი მდგომარეობა აქვთ ქართული საზოგადოების მხარდაჭერის თვალსაზრისით, უფრო სწორედ, იკვრება კონსენსუსი მათ წინააღმდეგ. მეორე, კიდევ ერთხელ აჩვენებს ყველას, ქვეყნის შიგნით და გარეთ მათ სახეს, რომ მათ სიტყვას ნული აქვს ფასი", - განაცხადა ბოკერიამ.
თვითმმართველობის არჩევნებამდე ორი თვით ადრე ქართულმა ოცნებამ მიშელის შეთანხმება ანულირებულად გამოაცხადა. პარტიის თავმჯდომარემ, ირაკლი კობახიძემ ბრიფინგზე განაცხადა, რომ შეთანხმებამ თავისი მისია შეასრულა და თავი ამოწურა.
ქართული ოცნება უარს ამბობს ვალდებულებაზე, ჩატარდეს რიგგარეშე არჩევნები 43%-ზე ნაკლების აღების შემთვევაში, 19 აპრილის შეთანხმებას ანულირებულად აცხადებს და ამბობს, რომ არჩევნები, შესაძლოა, 53%-ის შემთხვევაშიც დაინიშნოს, თუმცა ეს მმართველი გუნდის "კეთილ ნებასა" და სხვადასხვა პირობაზე იქნება დამოკიდებული.
დახურვა