logo
ENG



გაბუნია: 5-12 წლამდე ბავშვებისთვის ვაქცინა დაახლოებით მეორე კვარტლიდან იქნება ხელმისაწვდომი

17 თებ 202218:47
3 წუთის საკითხავი
clock 1098
გაბუნია: 5-12 წლამდე ბავშვებისთვის ვაქცინა დაახლოებით მეორე კვარტლიდან იქნება ხელმისაწვდომი

ჯანდაცვის მინისტრის მოადგილის, თამარ გაბუნიას თქმით, მიმდინარეობს მუშაობა 5-12-წლამდე ბავშვებისთვის ვაქცინის მოწოდებაზე.

"5-დან 12 წლამდე ასაკობრივი ჯგუფისთვის ფაიზერის ვაქცინის მოწოდებაზეც მიდის მუშაობა და ვფიქრობთ, რომ მალევე იქნება. დაახლოებით მეორე კვარტლის დასაწყისიდან იქნება ხელმისაწვდომი ეს ვაქცინა ქვეყანაში", - თქვა გაბუნიამ.

კორონავირუსზე აცრა იცავს სიკვდილისგან. ვაქცინა არ არის 100%-იანი გარანტია იმისა, რომ კორონავირუსით არ დაინფიცირდებით, თუმცა, ადამიანი დაცულია დაავადების გართულებისგან. 

ასევე, მასობრივად აცრის შემთხვევაში გაწყდება ვირუსის გადადების ჯაჭვი. 

აცრა უსაფრთხოა ორსულებისა და მეძუძური დედებისთვის.

ასაცრელად დარეგისტრირდით booking.moh.gov.ge-ზე. 

აცრა შესაძლებელია ცოცხალი რიგითაც, რეგისტრაციის გარეშე. 

დაავადებათა კონტროლის ცენტრის მიერ 10 თებერვალს გამოქვეყნებული ინფორმაციის თანახმად:

  • დადასტურებულ შემთხვევათა 88.7% არ იყო ვაქცინირებული;
  • ჰოსპიტალიზირებულთა 93.6% არ იყო ვაქცინირებული;
  • კრიტიკული მოვლის საჭიროების მქონეთა 96% არ იყო ვაქცინირებული;
  • გარდაცვლილთა 96.2% არ იყო ვაქცინირებული.

მონაცემები მოცემულია 2021 წლის 15 მარტიდან-31 დეკემბრის ჩათვლით.

17 თებერვლის მონაცემებით, ქვეყანაში კორონავირუსის  15 644 ახალი შემთხვევა გამოვლინდა, 46 ადამიანი გარდაიცვალა.


close დახურვა