ჯანდაცვის მინისტრის მოადგილე თამარ გაბუნიასა და დაავადებათა კონტროლის ცენტრის დირექტორ ამირან გამყრელიძეს სავალდებულო ვაქცინაციასთან დაკავშირებით განსხვევბული პოზიციები აქვთ.
თამარ გაბუნია მიიჩნევს, რომ სავალდებულო აცრა პაციენტის შესახებ უფლებების კანონს ეწინააღმდეგება:
"სავალდებულო ვაქცინაცია პირდაპირი გზით, პაციენტის შესახებ უფლებების კანონს ეწინააღმდეგება, რადგან ინტერვენცია სამედიცინო შეიძლება შესრულდეს მხოლოდ პაციენტის ნებართვით და გადაწყვეტილებით. მიუხედავად იმისა, თუ რა არის განსაზღვრული საზოგადოებირივი ჯანდაცვის შესახებ კანონში", - ამბობს გაბუნია.
გამყრელიძეს კი მიაჩნია, რომ ეს არ არის ადამიანის უფლებების დარღვევა, ვინაიდან პანდემიაა.
"მე საკმაოდ ვერკვევი იურისპრუდენციაში, საზოგადოებრივი ჯანდაცვის კანონი, მე-5 მუხლი ნახეთ კარგად, ეს არ არის ადამიანის უფლებების დარღვევა, როცა არის პანდემია, თქვენ შეგიძლიათ, შემოიღოთ გარკვეული მანდატორიზმი. ეს არის ჩემი პირადი მოსაზრება, ეს შეიძლება არ დაემთხვეს თქვენს ან სხვების მოსაზრებას", - თქვა გამყრელიძემ.
როგორც ცნობილია, საქართველოში სავალდებულო ვაქცინაციის შემოღება ამ დროისთვის არ იგეგმება.
დახურვა