გამარჯვებული გურულები - დროება

გურიის ულამაზესმა და საქვეყნოდ ცნობილმა სოფელმა ლიხაურმა თავი კიდევ ერთხელ გამოიჩინა - ამჯერად კულინარიაში - სწორედ ლიხაურიდან არიან მეგაშოუ სამზარეულოს ომების მესამე სეზონის გამარჯვებული და-ძმა გორდელაძეები. დამიანე ფართო საზოგადოებამ მანამდე დროების მეშვეობით გაიცნო, სხვა ამპლუაში: გახსოვთ ალბათ ახალგაზრდა გურულ მრავალხმიან სიმღერაში ყველა ხმას თავად რომ ასრულებდა. ახლა კი ის დასთან დუეტში მაყურებელმა როგორც კულინარი ნახა. დროება იმყოფებოდა გურიაში გორდელაძეების ოჯახში და მოგიყვებათ გურული გასტრონომიის ახალ აღიარებაზე.