ევროპარლამენტარი მარკეტა გრეგოროვა რუსული კანონის საწინააღმდეგო აქციაზე პოლიციის მიერ ანტისაოკუპაციო მოძრაობის ლიდერის, დავით ქაცარავას სასტიკად ცემის ფაქტს X-ზე განცხადებით ეხმაურება.
ის მიმართავს ირაკლი კობახიძეს და ამბობს, რომ "ცდება, თუ ფიქრობს, რომ ასე კანდიდატის სტატუსს შეინარჩუნებენ".
"ეს კაცი [დავით ქაცარავა] ყბის მოტეხილობით წევს საავადმყოფოში, ოპერაციას უტარებენ. დავით ქაცარავა ნებაყოფლობით იბრძოდა უკრაინისთვის 2022 წელს. რუსეთის შესაძლებლობები იქ ვერ მისწვდა, მაგრამ საქართველოში მისწვდა. ირაკლი კობახიძე - თუ ფიქრობ, რომ ასე შეინარჩუნებთ კანდიდატის სტატუსს, ცდები", - წერს მარკეტა გრეგოროვა.
This man is lying in a hospital with broken jaw, undergoing surgery. David Katsarava volunteered to fight for Ukraine in 2022. Russian assets did not get him there. But they got him in Georgia.
If you think this is how you keep candidate status, @PM_Kobakhidze, you are mistaken. pic.twitter.com/NEHKz9Dwtt
ანტისაოკუპაციო მოძრაობის ლიდერის, დავით ქაცარავას პარლამენტთან მიმდინარე აქციაზე პოლიცია სასტიკად გაუსწორდა. ის რამდენიმე საათის წინ ძალის გამოყენებით დააკავეს. ამჯამად ქაცარავა კლინიკაშია გადაყვანილი.
სპეციალურმა საგამოძიებო სამსახურმა პოლიციის მხრიდან ნაცემ დავით ქაცარავაზე გამოძიება დაიწყო.
დახურვა