დღეს, ევროკავშირის საგარეო საქმეთა საბჭო 2024 წლის 26 ოქტომბერს გამართული საპარლამენტო არჩევნების ფონზე საქართველოში არსებულ ვითარებაზე იმსჯელებს. საქართველო უკრაინის შემდეგ დღის წესრიგში მეორე საკითხი იქნება.
როგორც ცნობილია, საბჭო ბრიუსელში, 18 ნოემბერს, ადგილობრივი დროით 09:30 საათზე დაიწყება და მას ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჯოზეფ ბორელი უხელმძღვანელებს.
როგორც ცნობილია, განიხილება დოკუმენტი, რომელიც საქართველოს მიმართ განსახორციელებელ ნაბიჯებს მოიცავს. მათ შორის, დაფინანსების შეწყვეტა და მაღალი დონის შეხვედრების შეჩერება.
საბჭოს დღის წესრიგის თანახმად, ევროკავშირის საგარეო საქმეთა მინისტრები უკრაინის წინააღმდეგ რუსეთის აგრესიაზე იმსჯელებენ.
ამასთან, მინისტრები ევროკავშირისა და აშშ-ის ურთიერთობებს და ახლო აღმოსავლეთში არსებულ მდგომარეობასაც განიხილავენ.
დახურვა