ევროკავშირი გეგმავს, გაამკაცროს ევროპაში წარმოებული კოვიდვაქცინის ექსპორტი ე.წ. მესამე ქვეყნებში. გასულ კვირას ასტრაზენეკამ ევროკავშირს განუცხადა, რომ წარმოების პრობლემის გამო, წევრ ქვეყნებს გამიზნულზე და შეთანხმებულზე ნაკლებს მიაწვდიდა.
ჯანდაცვის კომისარმა სტელა კირიაკიდსმა განაცხადა, რომ ევროკავშირი მიმართავს ყველა ზომას, მისი მოქალაქეების დასაცავად.
კირიაკიდსმა Twitter-ზე დაწერა, რომ ორშაბათს ასტრაზენეკასთან გამართულმა მოლაპარაკებებმა უკმაყოფილება გამოიწვია მათი მხრიდან "სიცხადის არარსებობისა და არასაკმარისი განმარტებების გამო".
მისი თქმით, ვაქცინის შემქმნელებს აქვთ საზოგადოებრივი და კონტრაქტით გათვალისწინებული პასუხისმგებლობა, რომელიც უნდა დაიცვან.
Discussions with @AstraZeneca today resulted in dissatisfaction with the lack of clarity and insufficient explanations. EU Member States are united: vaccine developers have societal and contractual responsibilities they need to uphold.
— Stella Kyriakides (@SKyriakidesEU) January 25, 2021
კირიაკიდსი ამბობს, რომ ევროკავშირმა მოითხოვა ვაქცინის მიწოდების დეტალური გეგმა და ასტრაზენეკასთან მომდევნო შეხვედრა ოთხშაბათს ჩანიშნა.
მანვე განაცხადა, რომ მომავალში კოვიდვაქცინის მწარმოებელმა ყველა კომპანიამ ევროკავშირში, მხოლოდ ადრეული შეტყობინების საფუძველზე უნდა გაიტანონ ვაქცინა ე.წ. მესამე ქვეყნებში.
დახურვა