ევროკავშირის საბჭომ მოლდოვაში ქვეყნის უსაფრთხოების სექტორის გასაძლიერებლად ევროკავშირის პარტნიორობის სამოქალაქო მისია შექმნა. ამის შესახებ ევროკავშირის საბჭოს განცხადებაშია ნათქვამი.
როგორც ევროკავშირის საბჭოს განცხადებაშია ნათქვამი, ამ სამოქალაქო მისიის მიზანია გააძლიეროს ქვეყნის უსაფრთხოების სექტორის მდგრადობა კრიზისების მართვისა და ჰიბრიდული საფრთხეების, მათ შორის კიბერუსაფრთხოების, და უცხოური ინფორმაციის მანიპულაციისა და ჩარევის (FIMI) მიმართ.
"როგორც ერთ-ერთი ქვეყანა, რომელიც ყველაზე მეტად დაზარალდა რუსეთის მიერ უკრაინაში უკანონო შეჭრის შედეგად, ჩვენ მოწმენი ვართ რუსეთის მზარდი და მუდმივი მცდელობებისა მოლდოვაში ჰიბრიდული ქმედებებით დესტაბილიზაცია მოახდინოს. დღეს ჩვენ ვაძლიერებთ ევროკავშირის მხარდაჭერას მოლდოვას უსაფრთხოების, ტერიტორიული მთლიანობისა და სუვერენიტეტის დასაცავად. ამ ახალი მისიის განლაგება არის კიდევ ერთი მნიშვნელოვანი პოლიტიკური ნიშანი ევროკავშირის მხარდაჭერის მიმდინარე რთულ ვითარებაში", - განაცხადა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ჯოზეფ ბორელმა.
განცხადებაში აღნიშნულია, რომ ამ მიზნით, მისია გასცემს რჩევებს სტრატეგიულ დონეზე - სტრატეგიებისა და პოლიტიკის შემუშავების შესახებ და განსაზღვრავს საჭიროებებს ადრეული გაფრთხილების, გამოვლენის, იდენტიფიკაციის, საფრთხეების მიკუთვნებისა და ჰიბრიდულ საფრთხეებზე რეაგირებისთვის.
დახურვა