ევროპარლამენტარები "ქართულ ოცნებასა" და ოპოზიციას შორის მიღწეულ შეთანხმებას მიესალმებიან, თუმცა პარტნიორებს მისი დაუყოვნებლივ შესრულებისკენ მოუწოდებენ.
ამის შესახებ საუბარია განცხადებაში, რომელსაც ხელს აწერენ „იპიპის“, „სოციალ-დემოკრატების“ და „მწვანეების“ ლიდერები. მათ შორისაა ევროპარლამენტის საგარეო საქმეთა კომიტეტის თავმჯდომარე დეივიდ მაკალისტერიც.
განცხადებაში ნათქვამია, რომ პარტნიორებმა უნდა უზრუნველყონ საკონსტიტუციო ცვლილებების სწრაფი მიღება და არჩევნების "ეუთო/ოდირის" რეკომენდაციების მიხედვით ჩატარება.
ევროპარლამენტარების შეფასებით, ამ ნაბიჯებს გადამწყვეტი მნიშვნელობა აქვს ქვეყანაში პოლიტიკური პოლარიზაციის შემცირებისა და დემოკრატიის კონსოლიდირებისთვის.
დახურვა