პრემიერ-მინისტრთან არსებული საკოორდინაციო საბჭოს მიერ განსაზღვრულ განრიგში ცვლილება შევიდა და განრიგს 3 აპრილისთვის დაემატა თბილისი-ბერლინი-თბილისის მიმართულება, რომელსაც კომპანია Georgian Airways შეასრულებს. განრიგის თანახმად მიმდინარე წლის 3 აპრილს თბილისი-ვარშავა-თბილისის მიმართულებას შეასრულებს კომპანია LOT Polish Airlines. ამ რეისებზე ბილეთები გაიყიდება ბერლინის შემთხვევაში კომპანია Georgian Airways-ის, ხოლო ვარშავის შემთხვევაში კომპანია LOT Polish Airlines-ის ვებგვერდებზე.
10 აპრილის ჩათვლით ევროპის ქვეყნებიდან საქართველოს მოქალაქეების დასაბრუნებლად 23 მარტს განხორციელდა ბერლინი-თბილისის, 24 მარტს - ათენი-თბილისის, 26 მარტს კი ვენა-თბილისის რეისები.
შეგახსენებთ ფრენების არსებულ განრიგს:
28 მარტი - ვარშავა-თბილისი - LOT Polish Airlines
31 მარტი - ამსტერდამი-თბილისი - Georgian Airways
3 აპრილი - ბერლინი-თბილისი - Georgian Airways
3 აპრილი - ვარშავა-თბილისი - LOT Polish Airlines
4 აპრილი -ლონდონი-თბილისი - Georgian Airways (კომპანიის გეგმური რეისი)
7 აპრილი -ათენი-თბილისი - Georgian Airways
10 აპრილი -ლარნაკა-თბილისი - Georgian Airways
საქართველოს საგარეო საქმეთა სამინისტროს ცნობით, ამ ავიარეისებზე ბილეთები თანმიმდევრობით გაიყიდება, ავიარეისის შესრულების თარიღამდე 2 დღით ადრე, ბილეთები გაიყიდება თავისუფალი პრინციპით და ხელმისაწვდომი იქნება კომპანია Georgian Airways -ის ვებ-გვერდზე,ხოლო პოლონეთის მიმართულებაზე ბილეთები ხელმისაწვდომი იქნება კომპანია LOT Polish Airlines -ის ვებ გვერდზე. ავიარეისები განხორციელდება მსოფლიო ჯანდაცვის ორგანიზაციის მიერ დაწესებული პროტოკოლით, მგზავრების განლაგება მოხდება ჭადრაკისებრი პრინციპით და თითოეულ ბორტზე განთავსდება 100 მგზავრი.
საქართველოს პრემიერ-მინისტრთან არსებული საკოორდინაციო საბჭოს გადაწყვეტილებით და პრემიერ-მინისტრის მითითებით, საბჭოს მიერ განსაზღვრულ ავიარეისებზე სამგზავრო ბილეთის ფასი არ უნდა აღემატებოდეს 199 ევროს.
საქართველოში ჩამოსული ყველა მგზავრი დაექვემდებარება 14 დღიან სავალდებულო კარანტინს.
დახურვა