ინფექციური საავადმყოფოს სამედიცინო დირექტორი, მარინა ეზუგბაია აცხადებს, რომ ინფექციურ საავადმყოფოში ამ დროისთვის 3 მძიმე კოვიდინფიცირებული პაციენტი მკურნალობს.
მისივე განცხადებით, ამ ეტაპზე კლინიკაში 38 კოვიდინფიცირებული პაციენტია მოთავსებული.
ეზუგბაიას თქმით, დღეს გამოვლენილი 14 ახალი შემთხვევიდან ერთის წყარო გაჩიანია, 12-ის ლენჯერი და ერთი შემოტანილი შემთხვევაა.
"14 ახალი დადასტურებულიდან ერთი არის გაჩიაინის წყაროდან, 12-ის წყაროა ლენჯერი და ერთი პაციენტი არის შემოტანლი შემთხვევა. გამოჯანმრთელებული 4 გვყავს.
კოვიდ ცენტრებში დღეს 203 პაციენტი მკურნალობს. ამ 203 პაციენტიდან 7-ის მდგომარეობა კრიტიკულია. ხოლო მძიმე მდგომარეობაშია 16 პაციენტი.
ინფექციურ საავადმყოფოში გვყავდა 33 დადასტურებული შემთხვევა, აქედან გამოჯანმრთელდა ერთი და დაგვემატა 6 ინფიცირების შემთხვევა. საერთო ჯამში 38 კოვიდინფიცირებული პაციენტი მკურნალობს ჩვენს კლინიკაში. ამ 6 ახალი შემთხვევიდან 2 პაციენტი გაჩიანაიდანაა, ერთი შემოტანილია, დანარჩენი საკარანტინო სივრცეში გამოვლენილი შემთხვევებიდან. 3 მძიმე პაციენტის ჩვენს ცენტრში. მათი მდგომარეობა სტაბილურია", - განაცხადა მარინა ეზუგბაიამ.
საქართველოში დღეს კორონავირუსით ინფიცირების 14 ახალი შემთხვევა გამოვლინდა. ბოლო მონაცემებით, ქვეყანაში კორონავირუსის 1278 შემთხვევა ფიქსირდება, მათგან გამოჯანმრთელებულია 1058 პაციენტი, გარდაცვლილია - 17.