გიორგი ვაშაძე აცხადებს, რომ აშშ-ის კონგრესის მხრიდან დაფინანსების 15%-ის შესაძლო შეჩერება, ქვეყნისთვის უმძიმესი განაჩენია.
როგორც „ახალი საქართველოს“ ლიდერმა განმარტა, სანქციები ბევრად მძიმეა ქვეყნისთვის, ვიდრე განცხადებები და გაფრთხილებები.
„სამი მთავარი ასპექტი, რატომ დაიდო ეს სანქციები: დემოკრატია, დემოკრატიის ხელყოფა (სასამართლო, არჩევნები), მეორე კორუფცია და მესამე ინვესტიციების, ბიზნესის ხელშეშლა. საქართველოში აღარ შემოდის ბიზნესი რეჟიმთან შეუთანხმებლად. ეს სანქციები არის საშინელი განაჩენი ჩვენი ქვეყნისთვის. ეს აღარაა გაფრთხილებები - ესაა სანქციები, რომლებიც დაედო ჩვენს ქვეყანას", - ამბობს ვაშაძე.
შეგახსენებთ, რომ აშშ-ის კონგრესმა, შესაძლოა, საქართველოს დახმარებისთვის გამოყოფილი დაფინანსების 15%-ს შეუჩეროს მანამ, სანამ მთავრობა არ გადადგამს კონკრეტულ ნაბიჯებს დემოკრატიის გასაძალიერებლად.
დახურვა