CNN-ის ინფორმაციით, თეთრი სახლი უკრაინისთვის 400 მილიონი დოლარის სამხედრო დახმარების ახალ პაკეტს გამოაცხადებს. განცხადება ემთხვევა ვაშინგტონში გერმანიის კანცლერის ოლაფ შოლცის ვიზიტს.
პაკეტში შედის საბრძოლო მასალა HIMARS-ის სარაკეტო გამშვებისთვის, 155 მმ და 105 მმ საარტილერიო ჭურვები, ასევე ჯავშანტექნიკის ხიდის სისტემები.
ხუთშაბათს, ჯონ კირბიმ, ეროვნული უშიშროების საბჭოს სტრატეგიული კომუნიკაციების კოორდინატორმა, თქვა, რომ აშშ გამოაცხადებს უკრაინის დახმარების მორიგ რაუნდს, HIMARS-ისა და არტილერიის საბრძოლო მასალის ჩათვლით.
გასულ კვირას შეერთებულმა შტატებმა გამოაცხადა 2 მილიარდი დოლარის დახმარება უკრაინის უსაფრთხოების დახმარების ინიციატივის (USAI) ფარგლებში.
უკრაინის ოფიციალური პირები ასევე ითხოვენ ამერიკული F-16 საბრძოლო თვითმფრინავებს, რასაც პრეზიდენტი ჯო ბაიდენი და სხვა დასავლელი ლიდერები აქამდე ეწინააღმდეგებოდნენ.
დახურვა