უკრაინის პრეზიდენტი, ვოლოდიმირ ზელენსკი დონეცკის ოლქის ქალაქ ავდეევკაში ჩავიდა და უკრაინელი დამცველების პოზიციები მოინახულა. ამის შესახებ ინფორმაციას უკრაინის პრეზიდენტის ოფისი ავრცელებს.
პრეზიდენტის ოფისის ინფორმაციით, უკრაინის პრეზიდენტმა მოისმინა დონეცკის ოპერატიულ-ტაქტიკური ჯგუფის მეთაურის ანგარიში ადგილზე შექმნილი ვითარების შესახებ.
ზელენსკი ასევე გაესაუბრა საზღვაო ქვეითების, საჰაერო-სადესანტო, მექანიზებული და საარტილერიო დანაყოფების სამხედრო პერსონალს და მადლობა გადაუხადა გაწეული სამსახურისთვის.
ამასთან, ზელენსკიმ სამხედრო მოსამსახურეებს სახელმწიფო ჯილდოები გადასცა. სამხედროებმა კი უკრაინის ლიდერს სამხედრო მონეტა გადასცეს 110-ე ცალკეული მექანიზებული ბრიგადის სიმბოლოებით.
დახურვა