უკრაინის პრეზიდენტი ვოლოდიმირ ზელენსკი უკრაინის ლენდ-ლიზის დამტკიცებას ეხმაურება და ამერიკის შეერთებული შტატების პრეზიდენტს ჯო ბაიდენსა და ამერიკელ ხალხს მადლობას უხდის.
"მადლობა ამერიკის პრეზიდენტს და ამერიკელ ხალხს ჩვენი თავისუფლებისა და მომავლისთვის ბრძოლაში მხარდაჭერისთვის. ლენდ-ლიზის კანონის დღევანდელი ხელმოწერა ისტორიული ნაბიჯია. დარწმუნებული ვარ, ისევ ერთად გავიმარჯვებთ და დავიცავთ დემოკრატიას უკრაინასა და ევროპაში, როგორც 77 წლის წინ"- წერს ზელენსკი.
9 მაისს აშშ-ის პრეზიდენტმა ჯო ბაიდენმა უკრაინის ლენდ-ლიზის კანონს ხელი მოაწერა.
ამერიკის შეერთებული შტატების კონგრესის წარმომადგენელთა პალატამ მეორე მსოფლიო ომის შემდეგ პირველად მხარი დაუჭირა "უკრაინის დემოკრატიის დაცვის ლენდ-ლიზის 2022 წლის აქტის" მიღებას.
ეს პრეზიდენტ ჯო ბაიდენს მისცემს შესაძლებლობას უკრაინას უფრო სწრაფად გაუგზავნოს იარაღი და საჭირო მარაგები რუსეთის წინააღმდეგ ბრძოლისას.
დახურვა