უკრაინის პრეზიდენტის, ვოლოდიმირ ზელენსკის თქმით, ამერიკის მხარდაჭერა ახლა უფრო მნიშვნელოვანია, ვიდრე ოდესმე და აღნიშნავს, რომ მისი ქვეყანა დამატებით $450 მილიონი ღირებულების სამხედრო დახმარების პაკეტისთვის მადლიერია.
"ჩვენ მადლობელი ვართ აშშ-ს პრეზიდენტის, ჯო ბაიდენისა და ხალხის გადაწყვეტილების გამო, უკრაინისთვის დამატებით $450 მილიონი ღირებულების სამხედრო დახმარების პაკეტის გამოყოფისთვის.
ეს მხარდაჭერა, დამატებითი HIMARS-ის ჩათვლით, ახლა უფრო მნიშვნელოვანია, ვიდრე ოდესმე. ერთობლივი ძალისხმევით გავათავისუფლებთ უკრაინულ მიწას რუსი აგრესორისგან!" - განაცხადა უკრაინის პრეზიდენტმა.
უკრაინისთვის დამატებითი სამხედრო დახმარების პაკეტის შესახებ ბაიდენის ადმინისტრაციამ გუშინ გამოაცხადა. პაკეტის მნიშვნელოვანი ნაწილი ოთხი დამატებითი მაღალი მობილობის საარტილერიო სარაკეტო სისტემისა და ბორბლიანი მანქანისგან შედგება, რომელსაც მართვადი რაკეტების სამიზნეზე სროლა დაახლოებით 40 მილის დაშორებით შეუძლია.
დახურვა