თავისუფალი და აგრარული უნივერსიტეტების სტუდენტები 20 ივნისის აქციას უერთდებიან.
მათი თქმით, იდგებიან იქ, სადაც ქვეყნის ევროინტეგრაციის საკითხი წყდება.
"ჩვენი მთავარი ღირებულებებია: "ცოდნა, შრომა, თავისუფლება", შესაბამისად, თავისუფალი და აგრარული უნივერსიტეტების სტუდენტები ვუერთდებით აქციას "შინ ევროპისკენ".
დღეს, ისე როგორც არასდროს, საქართველოს თითოეული მოქალაქე ვალდებულია დაიცვას საკუთარი ქვეყნის ევროპული მომავალი და ჩვენ, როგორც ყოველთვის, ვიდგებით იქ, სადაც ჩვენი ქვეყნის ევროინტეგრაციის საკითხი წყდება.
ხვალ, 20 ივნისს, 19:00 საათზე, ვიკრიბებით ფილარმონიასთან, საიდანაც მსვლელობით გადავინაცვლებთ პარლამენტის შენობისკენ", - ნათქვამია სტუდენტების განცხადებაში.
აქციას ასევე უერთდებიან თბილისის სახელმწიფო უნივერსიტეტის, ილიას სახელმწიფო უნივერსიტეტის, ჯიპას, საქართველოს უნივერსიტეტის, კავკასიის უნივერსიტეტის, საქართველოს ეროვნული უნივერსიტეტის და საქართველოს ტექნიკური უნივერსიტეტის სტუდენტები.
აქცია "შინ ევროპისკენ!" პარლამენტის წინ 20:00 საათზე დაიწყება.
დახურვა