აშშ-ის ეროვნული უსაფრთხოების საბჭოს კომუნიკაციების კოორდინატორი ჯონ კირბი ამბობს, აშშ-ის პრეზიდენტი ჯო ბაიდენი რუსეთის პრეზიდენტ ვლადიმერ პუტინს G20-ის სამიტზე არ შეხვდება.
"პრეზიდენტმა ბაიდენმა თქვა, რომ არ აპირებს ვლადიმერ პუტინთან შეხვედრას", - თქვა თეთრი სახლის წარმომადგენელმა.
მისი თქმით, ვიზიტის დროს ბაიდენი ყურადღებას გაამახვილებს აშშ-ის საერთაშორისო ალიანსებისა და პარტნიორობის გაძლიერებაზე.
"პრეზიდენტი ამაყობს ჩვენი მუშაობით მსოფლიოში ალიანსებისა და პარტნიორობის გაძლიერების მიზნით, ამიტომ ვფიქრობ, რომ ის ამაზე გაამახვილებს ყურადღებას“, - აღნიშნა კირბიმ.
დიდი ოცეულის ქვეყნების სამიტი ინდონეზიაში, კუნძულ ბალიზე, 15-16 ნოემბერს გაიმართება.
რუსეთის პრეზიდენტის თანაშემწე იური უშაკოვმა თქვა, რომ პრეზიდენტი პუტინი G20-ის სამიტზე დასწრებას აპირებს.
აღსანიშნავია, რომ აპრილის ბოლოს, ინდონეზიის პრეზიდენტმა, ჯოკო ვიდოდომ უკრაინა სამიტზე მიიწვია.
უკრაინის პრეზიდენტის ადმინისტრაციის მრჩეველმა მიხაილო პოდოლიაკმა თქვა, რომ ვოლოდიმირ ზელენსკი G20-ის სამიტზე იმ შემთხვევაში წავა, თუ მას რუსეთის პრეზიდენტიც დაესწრება.
დახურვა