თურქეთში, ქურდობის ბრალდებით საქართველოსა და აზერბაიჯანის მოქალაქეები დააკავეს. თურქეთის პოლიციის ცნობით, ბრალდებულებმა ქალაქ იზმირში, 24 თებერვლიდან 1-ელ მარტამდე პერიოდში, სავაჭრო ცენტრებიდან 100 ათასი ლირის ოდენობის ტანსაცმელი და აქსესუარები მოიპარეს. მოპარული ნივთები სამართალდამცველებმა დაკავებულების სახლების ჩხრეკისას ამოიღეს.
სპეცოპერაცია 2 მარტს ჩატარდა. ჯამში 6 ადამიანია დაკავებული. საქმეზე სასამართლო პროცესი გუშინ გაიმართა და ბრალდებულებს წინასწარი პატიმრობა შეეფარდათ.