რუსთავი 2-ის საქმეზე ჯარჯი აქიმიძისა და დავით დვალის სარჩელი სასამართლოში კვლავ წარმოებაშია ამის შესახებ ინფორმაციას ჯარჯი აქიმიძისა და დავით დვალის ადვოკატი ავრცელებს. კახა კოჟორიძის თქმით, რუსთავი 2-ის 60% წილს კვლავ ყადაღა დაედო.
ასევე კოჟორაძის განცხადებით, სასამართლომ 2 კვირის წინ გაავრცელა განცხადება, რომ აღნიშნული საქმე განუხილველი დარჩა და ყადაღა დაედო, თუმცა 2 დღის წინ სარჩელი წარმოებაში ისევ იქნა მიღებული.
კოჟორიძის Facebook სტატუსს უცვლელად გთავაზობთ:
„რუსთავი 2-ის საქმეზე ინფორმაცია: ჯარჯი აქიმიძისა და დავით დვალის სარჩელი სასამართლოში კვლავ წარმოებაშია მიღებული და რუსთავი 2-ის 60% წილს კვლავ ყადაღა ადევს. ასე რომ, ბრძოლა გრძელდება. და ეს ბრძოლა აუცილებლად წარმატებით დასრულდება!
პ.ს. 2 კვირის წინ სასამართლომ განცხადება გაავრცელა იმის შესახებ, რომ რუსთავი 2-ის საქმე განუხილველი დარჩა და ყადაღა გაუქმდა. მაგრამ 2 დღის წინ სარჩელი რომ წარმოებაში იქნა მიღებული და ყადაღა ისევ დაედო, სპეციალურად დაველოდე, მაგრამ ამის შესახებ არაფერი თქვა. როგორც ჩანს, სასამართლომ მხოლოდ განუხილველად დატოვება მიიჩნია საზოგადოებისათვის საინტერესო ინფორმაციად“-წერს კახა კოჟორიძე.
დახურვა