კიევის მერის, ვიტალი კლიჩკო განცხადებით, ომის დაწყებიდან დღემდე კიევში 65 ადამიანი დაიღუპა, 300-მდე კი დაშავდა. მისივე ინფორმაციით, დაღუპულებს შორის 4 ბავშვია.
"დღეის მდგომარეობით 300-მდე ადამიანი დაშავდა და საავადმყოფოებში არიან მოთავსებული. დაშავებულებს შორის 16 ბავშვია. დაიღუპა ჩვენი ქალაქის 65 მკვიდრი, მათგან 4 ბავშვი", - განაცხადა კლიჩკომ.
რუსეთი უკრაინაში 24 თებერვალს შეიჭრა. დღემდე დაიღუპა და დაშავდა არაერთი მშვიდობიანი მოქალაქე და სამხედრო.
გაეროს ლტოლვილთა სააგენტოს ინფორმაციით, ომის დაწყებიდან დღემდე საკუთარი სახლი 10 მილიონამდე უკრაინელმა დატოვა.
დახურვა