„ლეიბორისტული პარტიის" თავმჯდომარემ, ლაშა ჩხარტიშვილმა პრესკონფერენცია გამართა და ხელისუფლებისგან კომენდანტის საათის გაუქმება და მშვიდობიანი შეკრებისა და მანიფესტაციის უფლების აღდგენა მოითხოვა.
„მაშინ, როცა მთავრობამ მოიპოვა 3-მილიარდიანი დაფინანსება და მოსახლეობისთვის 1 მილიარდი გაიმეტა, ინარჩუნებს უკანონო შეზღუდვებს. გაუქმდეს დაუსაბუთებელი კომენდანტის საათი, აღდგეს მშვიდობიანი შეკრების უფლება. ვაპირებთ მანიფესტაციის გამართვას, რა თქმა უნდა, დისტანციის დაცვით", - განაცხადა ლაშა ჩხარტიშვილმა.
შეგახსენებთ, რომ 21 მარტიდან ქვეყანაში საგანგებო მდგომარეობა მოქმედებს, 31 მარტიდან კი კომენდანტის საათი.
დახურვა