მარნეულის შესასვლელთან გასული დღეებისგან გასხვავებით, მოსახლეობის რაოდენობამ რომლებსაც ტერიტორიაზე შესვლა ან გამოსვლა სურთ, იკლო. ძირითადად ადგილზე საერთაშორისო სატრანზიტო და სადისტრიბუციო ავტომობილების, ასევე მედიკოსების გადაადგილება შეინიშნება.
ტერიტორიაზე მივიდნენ პრემიერის მრჩეველი სოზარ სუბარი და სოფლის მეურნეობის მინისტრი და მათ აღნიშნეს, რომ საკარანტინო ზონაში ძირითადი პრობლემები, მედიკამენტების, პროდუქტების და ა.შ. უკვე აღმოფხვრილია.
სუბარის თქმით, დღეის მდგომარეობით კარანტინის ზონაში მყოფი მოსახლეობა სამართალდამცველებს წინააღმდეგობას აღარ უწევენ.
შეგახსენებთ, რომ კორონავირუსი ჯანმომ პანდემიად გამოაცხადა. საქართველოში ვირუსით ინფიცირების პირველი შემთხვევა 26 თებერვალს დაფიქსირდა. ჯერჯერობით ქვეყანაში ვირუსით გარდაცვალების არც ერთი შემთხვევა არ დაფიქსირებულა. ამ დროისთვის ვირუსით ინფიცირებულთა რიცხვი 73-ს აღწევს. გამოჯანმრთელებულია 10 პაციენტი.
ამავდროულად, საპატრიარქო უარს აცხადებს ზიარების წესის ცვლილებაზე და აცხადებს, რომ და წირვა-ლოცვებზე დაცული იქნება დაავადებათა კონტროლის ეროვნული ცენტრის მიერ გაცემული რეკომენდაციები.
გარდა ამისა, ამ დროისთვის დაფიქსირდა კორონავირუსის დაინფიცირების შემთხვევა, როდესაც არაა ცნობილი თუ ვინაა დაინფიცირების წყარო. ამ ფაქტის გამო, მკაცრი კარანტინის ზონად რეჟიმზე გადავიდნენ ბოლნისი და მარნეული.
დახურვა