მებრძოლი თაობების ესტაფეტა - დროება

7-8-9 მარტი საქართველოს უახლეს ისტორიაში დიდი გარდატეხის თარიღებად ჩაიწერება. პროტესტი, რომელსაც ლიდერები არ ჰყოლია, თუმცა რუსთაველზე ლიდერი იყო თითოეული ახალგაზრდა, ვინც ხელისუფლებას ამ ქვეყნისთვის რუსული ბორკილები არ დაადებინა. ეს დღეები იმ მრავალწლიანი ბრძოლის გაგრძელება იყო, რასაც ოკუპანტი, ტერორისტული სახელმწიფო საქართველოს წინააღმდეგ აწარმოებს. ომებმა, რომლებსაც კონკრეტული გმირები ჰყავდა, მათი და მათი ოჯახების ცხოვრება ძირფესვიანად შეცვალა. მათი სახელები და გვარები, მათ შთამომავლებთან ერთად, კიდევ უფრო დაფასებული უნდა იყოს, მათი მსხვერპლი - გამართლებული.