რუსეთის ყოფილი პრეზიდენტის და უსაფრთხოების საბჭოს თავმჯდომარის მოადგილის, დმიტრი მედვედევის თქმით, თუ შვედეთი და ფინეთი NATO-ში გაწევრიანდებიან, რუსეთის მოწინააღმდეგეთა რაოდენობა გაიზრდება. ამის შესახებ ის ტელეგრამში წერს.
"შვედეთი და ფინეთი გამხეცებული სერიოზულობით განიხილავენ NATO-ში გაწევრიანების შესაძლებლობას. თავად ალიანსი მზადაა, ისინი თავისი თეთრი ხელების ქვეშ მიიღოს, უმოკლეს დროში და მინიმალური ბიუროკრატიული პროცედურებით. [...] და რას ნიშნავს ეს? ეს ნიშნავს, რომ რუსეთს უფრო მეტი ოფიციალურად დარეგისტრირებული მოწინააღმდეგე ეყოლება", - წერს მედვედევი.
მისივე თქმით, რუსეთი ამას "ემოციების, ცივი გონებით" უნდა შეხვდეს.
"რამდენი სახელმწიფოა NATO-ში - 30 თუ 32, მთლიანობაში ჩვენთვის არც ისე მნიშვნელოვანია. ორით ნაკლები, ორით მერი, მათი მნიშვნელობითა და მოსახლეობით დიდი განსხვავება არა", - წერს მედვედევი.
ფინეთი NATO-ში გაწევრიანების გადაწყვეტილებას უახლოეს კვირებში მიიღებს. შვედეთის პრემიერმინისტრი, მაგდალენა ანდერსონი აღნიშნავს, რომ მნიშვნელოვანია საფუძვლიანი ანალიზის ჩატარება იმის შესახებ, უნდა გააკეთოს თუ არა განაცხადი.
აქამდე ფინეთი და შვედეთი უარს ამბობდნენ NATO-ში გაწევრიანებაზე. თუმცა უკრაინაში რუსეთის შეჭრის შემდეგ მათ გადაწყვეტილებას გადახედეს.
დახურვა