რეზოლუცია ივანიშვილის დასანქცირების მოთხოვნით

დაუწესდეს პერსონალური სანქციები ოლიგარქ ივანიშვილს - ეს ჩანაწერი ევროპის ყველაზე დიდი პოლიტიკური ჯგუფის რეზოლუციაში გაჩნდა. ევროპის სახალხო პარტიამ დოკუმენტი რამდენიმე საათის წინ ოფიციალურად მიიღო. გათავისუფლდეს პატიმრობიდან ნიკა გვარამია და გაუშვან სამკურნალოდ მესამე პრეზიდენტი - ეს მოწოდებებიც რეზოლუციის ტექსტშია შეტანილი.  ეს ყველაფერი არ არის. ტექსტში ყურადღებაა გამახვილებული ყალბ ინფორმაციასა და მმართველი პარტიის რიტორიკაზე, რომელიც დასავლეთის წინააღმდეგაა მიმართული. დღევანდელ რეზოლუციას ქართულმა ოცნებამ კვლავ საქართველოს პარტნიორებზე თავდასხმით უპასუხა.