დონეცკის რეგიონული სამხედრო ადმინისტრაციის ხელმძღვანელის, პაველ კირილენკოს განცხადებით, რუსული დაბომბვის შედეგად დონეცკის ოლქში 8 ადამიანი დაიღუპა, 7 კი დაშავდა.
"რუსეთი მშვიდობიან მოსახლეობას კლავს! 28 აგვისტოს რუსებმა დონბასში 8 მშვიდობიანი მოქალაქე მოკლეს: 4 ბახმუტში, 2 რაიგოროდკაში, 1 ტატიანოვკაში და 1 ნიკოლაევკაში. 7 ადამიანი დაშავებულია," - თქვა დონეცკის რეგიონული სამხედრო ადმინისტრაციის ხელმძღვანელმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა