სვანეთში საკარანტინო შეზღუდვები დღეიდან მოიხსნა. 10 აგვისტოდან მოყოლებული მუნიციპალიტეტში 5 000-მდე PCR კვლევა ჩატარდა.
2 სექტემბრიდან დაბა მესტიისა და ლენჯერის გახსნის შესახებ საქართველოს პრემიერმინისტრმა გიორგი გახარიამ 26 აგვისტოს განაცხადა.
საქართველოს აეროპორტების გაერთიანების ინფორმაციით, 3 სექტემბრიდან ნატახტარი-მესტია-ნატახტრის მიმართულებით ავიარეისები განახლდება.
ცნობისთვის, გართულებული ეპიდსიტუაციის გამო, მესტიაში, უშგულსა და სოფელ ლენჯერში 10 აგვისტოდან მკაცრი რეგულაციები იყო დაწესებული. გადაწყვეტილება მას შემდეგ მიიღეს, რაც მუნიციპალიტეტში ერთდროულად ვირუსის 17 შემთხვევა გამოვლინდა.
დახურვა