თერჯოლის მუნიციპალიტეტის სოფელი ღვანკითი დილის 06:00 საათიდან ჩაიკეტა. მიზეზი - სოფელში კორონავირუსით ინფიცირებულთა რაოდენობის ზრდაა. მოწყობილია 5 ბლოკ-პოსტი, საიდანაც სოფლის ტერიტორია კონტროლდება და მოსახლეობას ღვანკითის დატოვების საშუალება არ აქვს.
რამდენიმე საათში სოფელში დაავადებათა კონტროლის ეროვნული ცენტრის ეპიდემიოლოგთა ჯგუფი ჩავა და მასობრივი თერმოსკრინგი დაიწყება.
სოფელ ღვანკითში 705 ოჯახი ცხოვრობს.