NATO-ს გენერალური მდივანი, იენს სტოლტენბერგი ამბობს, რომ უკრაინაში ქიმიური იარაღის გამოყენება კონფლიქტის "ბუნებას" შეცვლის. ამის შესახებ მან NATO-ს სამიტის დაწყებამდე ერთი დღით ადრე პრესკონფერენციაზე განაცხადა.
"ქიმიური იარაღის ნებისმიერი გამოყენება მთლიანად შეცვლის კონფლიქტის ბუნებას, ეს იქნება საერთაშორისო სამართლის აშკარა დარღვევა და შორსმიმავალი შედეგები მოჰყვება", - თქვა სტოლტენბერგმა.
ბრიუსელის NATO-ს სამიტზე გამგზავრებამდე აშშ-ის პრეზიდენტმა ჯო ბაიდენმა თქვა, რომ რუსეთის მიერ ქიმიური იარაღის გამოყენების რისკი "რეალურია". აშშ ამის დასტურად განიხილავს რუსეთის ცრუ მტკიცებებს, თითქოს ამერიკას ევროპაში, ასევე უკრაინას, ბიოლოგიური და ქიმიური იარაღი აქვს.
დახურვა