მასშტაბურ საპროტესტო აქციებზე დონალდ ტრამპის რეაგირებამ გადამდგარ გენერალს დუმილი დაარღვევინა. ადმინისტრაციის ყოფილი პირველი თავდაცვის მდივანი პრეზიდენტს ხალხის დაყოფასა და ძალაუფლების ბოროტად გამოყენებაში ადანაშაულებს. ეს გენერალ ჯეიმს მატისის ფაქტობრივად პირველი მწვავე განცხადებაა პოსტიდან წასვლის შემდეგ. მისი და ტრამპის გზები კი სირიასთან დაკავშირებით პრეზიდენტის მიდგომების გამო გაიყო.
გადამდგარი გენერალი ძალადობის საწინააღმდეგო დემონსტრაციების დასაშლელად ჯარების გამოყენებას კატეგორიულად ეწინააღმდეგება. ჯორჯ ფლოიდის სიკვდილის შემდეგ დაწყებული საპროტესტო ტალღა ამერიკაში არ ცხრება. აქციები და ხალხმრავალი მსვლელობებია თეთრ სახლთან და ქალაქის ცენტრალურ ნაწილში. ხალხი ძალადობრივი სისტემის შეცვლას მოითხოვს.
უმწვავესი დაპირისპირების მიზეზი ამერიკის პრეზიდენტს და მისი ადმინისტრაციის პირველ თავდაცვის მდივანს შორის, ქვეყნის მასშტაბით დაწყებული პროტესტის მიმართ, ტრამპის მიდგომა გახდა. გენერალ ჯეიმს მატისის განცხადებაში, რომელიც "ატლანტიკმა" გამოაქვეყნა, ნათქვამია, რომ დონალდ ტრამპი ხალხის გაყოფას უწყობს ხელს.
დახურვა