ამერიკის პრეზიდენტმა დონალდ ტრამპმა მოგზაურთათვის ახალი აკრძალვები დააწესა.
კორონავირუსის გავრცელების საფრთხის გამო ევროპიდან შეერთებულ შტატებში მოგზაურობა 30 დღის ვადით იკრძალება. შეზღუდვა პარასკევს, ადგილობრივი დროით ღამის 12:00 საათზე ამოქმედდება. აკრძალვა ვრცელდება ტვირთებზეც.
ტრამპის თქმით, „მკაცრი, მაგრამ საჭირო" აკრძალვა არ ვრცელდება დიდ ბრიტანეთზე, სადაც კოვიდ-19-ის 460 შემთხვევაა დადასტურებული.
ბოლო მონაცემებით, შეერთებულ შტატებში ახალი კორონავირუსით დაინფიცირების 1 135, ხოლო გარდაცვალების 38 შემთხვევაა დაფიქსირებული. კოვიდ-19-ით დაინფიცირების შემთხვევების ზრდის გამო სხვა რამდენიმე შტატთან ერთად საგანგებო მდგომარეობა გამოცხადდა ვაშინგტონშიც.