ხერსონის ოლქის სამხედრო ადმინისტრაციის უფროსის, დმიტრო ბუტრის განცხადებით, 44 დასახლება ხერსონში კვლავ უკრაინის კონტროლს ექვემდებარება.
ბუტრის თქმით, ხერსონის ოლქში მყოფი მშვიდობიანი მოქალაქეები დღემდე კვლავ იტანჯებიან, რადგან ისინი მუდმივად რუსული დაბომბვის ქვეშ იმყოფებიან.
"ჩვენ ხალხს ევაკუაციისკენ მოვუწოდებთ, რათა საკუთარი თავი და ოჯახები დაიცვან. რუსი ოკუპანტები ადამიანები არ არიან," - თქვა ხერსონის ოლქის სამხედრო ადმინისტრაციის უფროსმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა