უკრაინის პირველი ლედი, ოლენა ზელენსკაია ვაშინგტონში აშშ-ს სახელმწიფო მდივანს, ენტონი ბლინკენს შეხვდა.
ზელენსკაიამ შეხვედრის ფოტოები ფეისბუქით გაავრცელა და განაცხადა, რომ ვაშინგტონში აშშ-ს პირველი ლედის, ჯილ ბაიდენის მიწვევით იმყოფება.
"მშვიდად დაფრინავენ სამგზავრო თვითმფრინავები, ხალხს ქუჩაში არ ეშინია სირენებისა და ხმაურის. უცნაური შეგრძნებაა: რუსეთის შეჭრიდან მეხუთე თვეს აღმოჩნდე ქვეყანაში, სადაც ეს ყველაფერი შესაძლებელია", - დაწერა ზელენსკაიამ.
ბლინკენთან შეხვედრაზე კი ის აღნიშნავს:
"მისი პოზიცია იმასთან დაკავშირებით, რომ, ვციტირებ, "სუვერენული, დამოუკიდებელი უკრაინა იმაზე გაცილებით დიდხანს იარსებებს, ვიდრე პუტინის", შეუცვლელია".
წარმომადგენელთა პალატის სპიკერის, ნენსი პელოსის განცხადებით, 20 ივლისს უკრაინის პირველი ლედი კონგრესში სიტყვით გამოვა.
დახურვა