უკრაინის საჰაერო ძალების განცხადებით, გუშინ ღამით უკრაინელებმა რუსეთის მიერ გაშვებული ყველა დრონი ჩამოაგდეს.
"გუშინ ღამით რუსეთის შეიარაღებულმა ძალებმა უკრაინის სამხრეთ-აღმოსავლეთ ტერიტორიას პრიმორსკო-ახტარსკის ოლქიდან Shahed-136/131 ტიპის ოთხი უპილოტო საფრენი აპარატით შეუტიეს.
კიროვოგრადის ოლქში ოთხივე მათგანი გავანადგურეთ. ამასთან, ოკუპანტებმა რუსეთის ფედერაციის როსტოვის ოლქიდან დონეცკის რეგიონში ისკანდერის რაკეტა გაისროლეს", - ნათქვამია განცხადებაში.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა