ჩერნიჰივის რეგიონული სამხედრო ადმინისტრაციის ხელმძღვანელის, ვიაჩესლავ ჩაუსის განცხადებით, რუსულმა ძალებმა უკრაინის ჩრდილო-აღმოსავლეთით მდებარე ქალაქები, ჩერნიჰივი და ხარკივი დაბომბეს.
ჩაუსის თქმით, ფართომასშტაბიანი სარაკეტო შეტევა დილის 5 საათის შემდეგ მოხდა. ამასთან, ის აღნიშნავს, რომ წინასწარი ინფორმაციით, დარტყმები გონჩარივსკისთან განხორციელდა.
"ხარკივი ორჯერ დაბომბეს ღამით, ცენტრთან ახლოს და მიმდებარე უბანში. ამ დროისთვის დაშავებულების შესახებ ინფორმაცია არ გვაქვს," - თქვა ხარკივის მერმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა