ფოთში მეხანძრე-მაშველს კორონავირუსი დაუდასტურდა

შინაგან საქმეთა სამინისტროს ინფორმაციით, ფოთში მეხანძრე-მაშველს კორონავირუსი დაუდასტურდა. 

უწყების ცნობით, მას გეგმური ტესტი 4 სექტემბერს ჩაუტარდა, რომლის პასუხიც დადებითია. მისი მდგომარეობა დამაკმაყოფილებელია. 

"მეხანძრე-მაშველი ცვლაში 6 სექტემბერს მორიგეობდა. ამ დროსითვის ყველა თანამშრომელი, ვინც ამ დღეს მუშაობდა, გადაყვანილია დაკვირვების ქვეშ და აღებული აქვთ ტესტები. შენობას ჩაუტარდა სრული დეზინფექცია.

ეპიდემილოგები აწარმოებენ წყაროს იდენტიფიცირებას და კონტაქტების კვლევას.

მეხანძრე-მაშველი თავს კარგად გრძნობს, მას არ აღენიშნება ვირუსის კლინიკური გამოვლინებები, ის ფოთის საავადმყოფოშია გადაყვანილი", - აცხადებენ შსს-ში. 

საქართველოში ამ დროისთვის კორონავირუსის 1 729 შემთხვევაა დადასტურებული, მათგან 1 321 ადამიანი გამოჯანმრთელდა, 19 კი გარდაიცვალა.