ქართული ოცნება საერთაშორისო პარტნიორებს არ უსმენს

ვადამდელი არჩევნები არ იქნება, არც შარლ მიშელის შეთანხმების მსგავსი დოკუმენტები გაფორმდება მომავალში-ასეთია ქართული ოცნების გზავნილი საერთაშორისო საზოგადოებისთვის. პარტიის თავმჯდომარის რადიკალურ განცხადებებს, პარტიის რიგითი წევრებიც იზიარებენ და ჯიუტად ამტკიცებენ, რომ ყველა კრიტიკა, რომელიც შარლ მიშელის დოკუმენტის ჩაშლის გამო უცხოელი პარტნიორების მხრიდან ისმის, არა მათ, არამედ ოპოზიციას ეხება. ხელშეკრულების პირობების შესრულება ქვეყანას სჭირდება - კიდევ ერთხელ ახსენებს საკუთარ პასუხისმგებლობებს მმართველ გუნდს ამერიკის შეერთებული შტატების ელჩი.