ჩხოროწყუს საკრებულოში თავმჯდომარე ისევ ვერ აირჩიეს

ჩხოროწყუს საკრებულოში თავმჯდომარე ისევ ვერ აირჩიეს. ქართული ოცნების კანდიდატმა საჭირო 14 ხმის მოპოვება ვერ შეძლო.

ახლადარჩეულ საკრებულოში სულ 27 წევრია. არჩევნების შედეგებით, „ქართულ ოცნებას 12 წევრი ჰყავს, ენმ-ს - 7, გახარიას პარტია საქართველოსთვის - 7, ლელოს კი – 1. ნაციონალური მოძრაობის წევრები სხდომას კვორუმის შესაქმნელად დაესწრნენ, თუმცა კენჭისყრაში მონაწილეობა არ მიუღიათ.

ქართული ოცნების კანდიდატმა, ჯუმბერ იზორიამ 12 ხმა მიიღო, ხოლო 7 ბიულეტენი გაბათილდა.

პარტია საქართველოსთვის წევრები გეგმავენ, რომ დღესვე თავმჯდომარეობის საკუთარი კანდიდატი დააყენონ. ამ ეტაპისთვის სხდომაზე შესვენება გამოცხადდა.