ძველი აღთქმის საქართველო - დროება

იესო ქრისტემ თავისი მოსვლით ძველი აღთქმა "აღასრულა" ანუ ახალი აღთქმა იქადაგა და მოსწავლეებსა და მიმდევრებს ათ მცნებასთან ერთად არა უბრალოდ მოყვასის არამედ მტრის სიყვარული დაუსახა უზენაეს სიქველედ და სულიერი ცხონების გზად.თუმცა თუ დავაკვირდებით და მოვუსმენთ რიგი ქართველი მღვდელმთავრების ქადაგებებს, შთაბეჭდილება დაგრჩებათ, რომ ისინი კვლავ ძველ აღთქმას მისდევენ. ამ ადამიანებს თითქოს ბიბლიის მხოლოდ პირველი ნაწილი აქვთ წაკითხული, და იმასაც მხოლოდ იმ ნაწილში ციტირებენ და ითვალისწინებენ, რომელიც თავად აწყობთ.