ხელისუფლებას განსაკუთრებული ნიჭი აქვს ყველაფერი გააფუჭოს და გააფუჭა სამართალიც - ამ განცხადებით დავით ჭიჭინაძე გიგი უგულავას დაკავებას გამოეხმურა. დამოუკიდებელი დეპუტატი აცხადებს, რომ "ქართული ოცნების" პირობებში მოქალაქეებს არ დარჩათ არც ერთი ინსტიტუცია, სადაც სამართალს იპოვნიან. აქვე დავით ჭიჭინაძე საარჩევნო სისტემასაც შეეხო და აღნიშნა, რომ ოპოზიციის შეთავაზება 130-20-ზე საღ აზრს მოკლებულია. იმ პირობებში როდესაც პარლამენტი ორ პალატიან სისტემაზე უნდა გადავიდეს 100/50 ზე ყველაზე რეალური ვარიანტია.
„თუ გავითვალისწინებთ, რომ მომავალში ორ პალატიანად უნდა გადაკეთდეს ჩვენი პარლამენტი სენატად და ქვედა პალატად, მე ვფიქრობ რომ 100 სწორედ ის რიცხვია, რაც ქვედა პალატაში უნდა იყოს და 50 ზედა პალატაში, თუ ამ ლოგიკით წავყვებით, მე ვფიქრობ, რომ შეიძლება ამ რიცხვების განხილვა “,-განაცხადა დავით ჭიჭინაძემ.
დახურვა