ხარკივისა და დონეცკის ოლქების საზღვარზე უკრაინის დროშა აღიმართა. ინფორმაციას CNN-ი დონეცკის რეგიონულ სამხედრო ხელმძღვანელზე, პავლო კირილენკოზე დაყრდნობით ავრცელებს.
"დონეცკისა და ხარკივის ოლქების საზღვარზე შესასვლელ აბრაზე უკრაინის დროშა აღიმართა! მადლობა ჩვენს შეიარაღებულ ძალებს, რომელთა წყალობითაც კიევი-ხარკოვი-დოვჟანსკის ავტომაგისტრალის ეს მონაკვეთი თავისუფალია ოკუპანტებისგან, მაგრამ უაღრესად საშიშია, რადგან სავსეა სიცოცხლისთვის საშიში ჯართით", - წერს კირილენკო Telegram-ზე.
კირილენკოს თქმით, სასტიკი ბრძოლების შემდეგ, რომლებიც არც ისე დიდი ხნის წინ მიმდინარეობდა, ადგილზე დარჩენილია მიტოვებული ტექნიკა და დანაღმული ველები.
***
ბოლო ცნობებით, 6 სექტემბრის შემდეგ უკრაინულმა ძალებმა ხარკოვის ოლქში ტერიტორიის 8 500 კვადრატული კილომეტრი, 388 დასახლებული პუნქტი და 150 ათასი ადამიანი გაათავისუფლეს.
15 სექტემბერს დიდი ბრიტანეთის დაზვერვის სამსახურმა გაავრცელა ინფორმაცია, რომ უკრაინული ძალები აგრძელებენ კონტროლის დამყარებას ხარკივის რეგიონის დეოკუპირებულ ტერიტორიებზე.
დახურვა