ხარკივის მერის, იგორ ტერეხოვის განცხადებით, უკრაინის ქალაქ ხარკივში რუსული დაბომბვის შედეგად 1 ადამიანი დაიღუპა. ტერეხოვის თქმით, შესაძლოა დაბომბვა განმეორდეს.
"ამ მშვიდ და მჭიდროდ დასახლებულ უბანში ნამდვილად არ არის სამხედრო ინფრასტრუქტურა. ყველას ვთხოვ თავშესაფრებში ყოფნას - შესაძლოა დაბომბვა განმეორდეს.
დადასტურდა ინფორმაცია 1 მშვიდობიანი მოქალაქის დაღუპვის შესახებ. ის უბრალოდ სახლიდან გავიდა და მას ცეცხლი გაუხსნეს. თანავუგრძნობ მის ახლობლებს," - თქვა ხარკივის მერმა.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა