ხელისუფლება კრიტიკულ მედიას ებრძვის

არჩევნების შემდეგ ხელისუფლება გააქტიურდა კიდევ ერთ ფრონტზე, - მიზანშია ამოღებული კრიტიკული მედია და სამოქალაქო სექტორი. ცენზურის მცდელობა და რეპრესიული პოლიტიკის გაგრძელება - ეს საფრთხები დაინახა საზოგადოების დიდმა ნაწილმა ტელეკომპანია მთავარის დაჯარიმების უკან. 112 ათასი ლარი, ყველაზე დიდი ჯარიმაა, რომელიც მაუწყებელს მარეგულირებელმა ოდესმე დააკისრა. ჯარიმის ერთ-ერთი საფუძველი კი გახდა სირცხვილიას ვიდეორგოლი, სადაც ქართული ოცნება პუტინთანაა გაიგივებული.